◆ Sparround

Android layihəsinin agent üçün hazırlanması

Agentin Android layihəsindəki keyfiyyəti əsasən repo-nun necə hazırlandığından asılıdır. Dörd fayl bu hazırlığı təşkil edir:

  • `CLAUDE.md` — build əmrləri, arxitektura qaydaları, qadağalar.
  • `.claude/settings.json` — icazə qaydaları (sirlər deny-də, gündəlik əmrlər allow-da).
  • `.claude/skills/` — komandanın təkrarlanan prosedurları.
  • `.mcp.json` — qoşulmuş xarici sistemlər (lazımdırsa).

Bunlar repo-ya commit edilir. Nəticədə yeni developer layihəni klonlayanda agent onun üçün də düzgün konfiqurasiya olunmuş olur.

Android-ə xas problemCLAUDE.md-də həlli
Tam build dəqiqələr çəkir, agent hər iterasiyada gözləyirModul səviyyəsində dar əmrləri açıq yazmaq
Agent versiya kataloqunu görmür, API-ni təxmin edir"Yeni dependency əlavə etməzdən əvvəl `libs.versions.toml`-a bax"
Yeni ekranı XML ilə yazır"Yeni UI həmişə Compose; yeni XML layout əlavə etmə"
Hardcode string-lər"İstifadəçiyə görünən hər mətn `strings.xml`-də"
Legacy koda toxunur"`legacy/` qovluğuna toxunma — ayrıca miqrasiya planı var"
Modul sərhədlərini pozur"`ui/` heç vaxt birbaşa `data/`-ya istinad etmir"

Ən böyük təsiri olan tək dəyişiklik — build əmrlərinin dəqiqləşdirilməsidir. Agent ./gradlew build işlədirsə və bu 7 dəqiqə çəkirsə, hər iterasiya 7 dəqiqədir. ./gradlew :feature:orders:compileDebugKotlin isə 20 saniyə çəkə bilər. Bu, həm sürət, həm token qənaətidir.

text
my-android-app/
├── CLAUDE.md                       ← build commands, architecture, prohibitions
├── .claude/
│   ├── settings.json               ← permission rules (committed)
│   ├── settings.local.json         ← personal (gitignored)
│   ├── rules/
│   │   ├── testing.md              ← paths: **/src/test/**
│   │   └── compose.md              ← paths: **/ui/**/*.kt
│   └── skills/
│       ├── compose-review/
│       ├── new-feature-module/
│       └── release-check/
├── .mcp.json                       ← external systems (if used)
├── gradle/libs.versions.toml
└── app/, feature/, core/

Agent üçün hazırlanmış Android repo-sunun quruluşu. `settings.local.json` istisna olmaqla hamısı commit edilir.

Hazırlığı yoxlamağın praktiki üsulu: yeni sessiya açıb agentə kod yazdırmadan sual verin —

  • "Bu layihənin modul strukturunu və arxitektura pattern-ini izah et."
  • "Yeni feature modulu əlavə etmək üçün hansı addımlar lazımdır?"
  • "Dəyişikliyi yoxlamaq üçün hansı əmri işlədərdin?"

Cavablar yanlışdırsa, problem agentdə deyil — konfiqurasiyadadır. Bu yoxlamanı yeni developer onboardinqində də işlətmək olar.

📚 Mənbələr və sənədlər