◆ Sparround

Claude Code-a MCP server qoşmaq

Server claude mcp add əmri ilə qoşulur və üç scope-dan birində saxlanır:

  • `local` (default) — yalnız sizin üçün, cari layihədə. Şəxsi və eksperimental serverlər üçün.
  • `project` — layihə kökündəki .mcp.json faylında. Repo-ya commit edilir və komanda ilə paylaşılır.
  • `user` — yalnız sizin üçün, bütün layihələrdə. Şəxsi köməkçi alətlər üçün.

Komanda üçün ən vacibi project scope-udur: server konfiqurasiyası repo ilə gəlir və hər developer onu ayrıca qurmur.

json
{
  "mcpServers": {
    "crash-reporting": {
      "type": "http",
      "url": "https://mcp.example-crash-service.com/mcp",
      "headers": {
        "Authorization": "Bearer ${CRASH_SERVICE_TOKEN}"
      }
    },
    "android-tools": {
      "type": "stdio",
      "command": "node",
      "args": ["./tools/mcp/android-server.js"],
      "env": {
        "ANDROID_SDK_ROOT": "${ANDROID_SDK_ROOT}"
      }
    }
  }
}

Layihə kökündəki `.mcp.json`. Diqqət: açarlar **birbaşa yazılmır** — `${VAR}` sintaksisi ilə mühit dəyişənindən gəlir. `${VAR:-default}` forması da dəstəklənir.

ƏmrNə edir
`claude mcp add --transport http <ad> <url>`Uzaq server qoşur
`claude mcp add --scope project ...`Konfiqurasiyanı `.mcp.json`-a yazır (komanda üçün)
`claude mcp list`Qoşulmuş serverləri sadalayır
`claude mcp get <ad>`Bir server-in detallarını göstərir
`claude mcp remove <ad>`Server-i silir
`/mcp` (sessiya daxilində)Server statuslarını və OAuth girişini göstərir

Layihə scope-undakı serverlər ilk dəfə istifadədən əvvəl təsdiq tələb edir. Bu, təsadüfi deyil: repo-nu klonladığınızda .mcp.json faylı başqasının yazdığı serverləri işə salmağa cəhd edir. Təsdiq qərarınızı sıfırlamaq üçün claude mcp reset-project-choices əmri var.

Qoşulmadan sonra yoxlama ardıcıllığı:

1. /mcp — server statusu qoşulu görünürmü?

2. Sadə sorğu ver: "crash-reporting server-ində hansı alətlər var?"

3. Real tapşırıq: "son crash-i tap və izah et".

Alətlər görünmürsə, adətən səbəb: server işə düşməyib (yol və ya əmr səhvdir), autentifikasiya alınmayıb (mühit dəyişəni təyin edilməyib), və ya layihə scope-u üçün təsdiq verilməyib.

📚 Mənbələr və sənədlər