Dəyişənlər və tiplər

Dart-da dəyişən elan etməyin üç praktik yolu var:

• var — tip inference ilə elan. Tip ilk mənimsətmədən çıxarılır və dəyişmir: var n = 1; sonra n = 'salam'; compile xətasıdır.
• final — bir dəfə mənimsədilir, dəyəri runtime-da hesablana bilər: final now = DateTime.now();
• const — dəyər compile-time-da tam məlum olmalıdır: const pi = 3.14;

Tipi açıq yazmaq da olar: int count = 0;. Komanda kodunda adət belədir: public API-lərdə tipi açıq yaz, lokal dəyişənlərdə final + inference kifayətdir.

final və const arasındakı fərq interview-da demək olar ki, həmişə soruşulur.

• final referensin dəyişməzliyidir: final list = [1, 2]; sonra list.add(3); tamamilə qanunidir — dəyişən yeni siyahıya işarə edə bilmir, amma siyahının özü mutable-dır.
• const dərin (deep) dəyişməzlikdir: const list = [1, 2]; yaratdığı siyahı immutable-dır, list.add(3) runtime-da UnsupportedError atır.

Bundan başqa const canonicalisation verir: eyni const ifadəsi proqram boyu bir dənə obyekt yaradır, ona görə identical(const [1, 2], const [1, 2]) → true.

Ədədi tiplər. num — abstrakt bazadır, int və double onun alt tipləridir. Amma int `double`-in alt tipi deyil — bu, ən çox rast gəlinən tələdir:

• double x = 5; işləyir, çünki compiler ədəd literalını 5.0 kimi oxuyur (yalnız literal üçün!).
• int n = 5; double x = n; compile xətasıdır — n.toDouble() yazmaq lazımdır.

Digər fərq: / həmişə double qaytarır (7 / 2 == 3.5), tam bölmə üçün ~/ var (7 ~/ 2 == 3). Web-də (dart2js) int əslində JS ədədidir, ona görə 64-bit tam ədədlərə güvənmə.

`dynamic` vs `var`. var — "tipi sən çıxar", tip yenə də statik yoxlanılır. dynamic — "yoxlamanı söndür": dynamic d = 5; d.foo(); compile olunur və runtime-da NoSuchMethodError atır. dynamic yalnız JSON kimi tipsiz sərhədlərdə istifadə olunmalı, dərhal real tipə çevrilməlidir.