İcazələr və cihaz imkanları
Kamera, məkan, bildiriş, fayl və mikrofon kimi imkanlar istifadəçi icazəsi tələb edir. İcazə axını üç mərhələdən ibarətdir və hər üçü idarə olunmalıdır:
- Yoxlamaq — icazə artıq verilibmi
- Soruşmaq — sistem dialoqunu göstərmək
- Rədd halını idarə etmək — istifadəçi "yox" deyə bilər, hətta "bir daha soruşma" seçə bilər
Sonuncu hal ən çox unudulanıdır: "permanently denied" vəziyyətində dialoq bir daha görünmür və yeganə yol istifadəçini sistem ayarlarına yönləndirməkdir.
| Vəziyyət | Nə deməkdir | Düzgün davranış |
|---|---|---|
| granted | İcazə verilib | Funksiyanı işə sal |
| denied | Rədd edilib, amma yenidən soruşmaq olar | Niyə lazım olduğunu izah edib təkrar soruş |
| permanentlyDenied | «Bir daha soruşma» seçilib | Sistem ayarlarına yönləndirən düymə göstər |
| restricted | Cihaz siyasəti qadağan edib (məs. valideyn nəzarəti) | Alternativ təklif et, təkrar soruşma |
Interview ipucu. İcazə sualında UX tərəfi texniki tərəfdən vacibdir: sistem dialoqunu kontekstsiz, tətbiq açılan kimi göstərmək ən pis praktikadır — istifadəçilərin böyük hissəsi refleks olaraq rədd edir və bir daha soruşmaq olmur. Düzgün yol: icazəni lazım olan anda və qabaqcadan qısa izahla soruşmaq ("Sənədi skan etmək üçün kameraya çıxış lazımdır"). Bu, "pre-permission" pattern-idir və qəbul faizini əhəmiyyətli artırır.
📚 Mənbələr və sənədlər
- permission_handler paketipub.dev
Bütün icazə vəziyyətləri və `openAppSettings` metodu README-də sadalanıb.
- Platform inteqrasiyasırəsmidocs.flutter.dev
- Android deploymentrəsmidocs.flutter.dev