HTTP Request: istənilən API-yə qoşulmaq

HTTP Request n8n-in ən vacib node-udur. Hazır node-lar minlərlə servisi əhatə edir, amma sənin lazım olan servisin node-u olmayanda — və ya olan node lazım olan əməliyyatı dəstəkləməyəndə — bu node ilə istənilən REST API-yə çıxırsan.

Əsas parametrlər tanışdır: metod (GET, POST, PUT, PATCH, DELETE), URL, query parametrləri, header-lər və body.

Body üçün bir neçə format var: JSON, Form-Data, Form URLencoded, Raw və n8n Binary File — sonuncu fayl yükləmək üçündür.

Ən sürətli başlanğıc: cURL import. API sənədləşməsindən və ya Postman-dan curl əmrini kopyalayıb node-a import edirsən — n8n bütün parametrləri özü doldurur.

Səhifələmə (pagination) n8n-də node-un öz seçimi ilə həll olunur və iki rejimi var:

• Update a Parameter in Each Request — hər sorğuda parametri (səhifə nömrəsi, offset) dəyişirsən
• Response Contains Next URL — API cavabında növbəti səhifənin URL-ini verir, sən onu expression ilə göstərirsən

Səhifələmə qurarkən n8n üç hazır dəyişən verir: $pageCount (neçə səhifə çəkilib), $request (göndərilən sorğu) və $response (gələn cavab — $response.body, $response.headers, $response.statusCode daxil).

API-lərin səhifələmə üsulları fərqlidir, ona görə qurmazdan əvvəl ya sənədləşməyə baxmaq, ya da bir sorğu göndərib cavabın strukturunu görmək lazımdır. Standart olmayan sxem varsa, Loop Over Items ilə dövrü əl ilə qurmaq alternativdir.