Davranış və təcrübə sualları

Middle səviyyədə texniki mükəmməllik + zəif kommunikasiya = rədd. Davranış sualları texniki suallardan az əhəmiyyətli deyil, çünki komanda səni gündəlik işdə necə görəcəyini öyrənmək istəyir.

STAR strukturu — davranış suallarının universal formatı:

• Situation — kontekst, qısa (1-2 cümlə): harada, nə vaxt, hansı şərait
• Task — sənin qarşında duran konkret vəzifə və ya problem
• Action — SƏNİN etdiklərin, addım-addım. Bu, cavabın ən uzun hissəsi olmalıdır
• Result — nəticə, mümkünsə rəqəmlə; və nə öyrəndiyin

Ən çox buraxılan iki hissə: Action-da "biz" deməkdənsə "mən" demək (komanda nə etdi yox, sən nə etdin — intervyuer səni işə götürür) və Result-u rəqəmlə göstərmək ("yaxşılaşdı" yox, "flaky rate 8%-dən 0.5%-ə düşdü").

Vaxt hissi: bir STAR hekayəsi 2-3 dəqiqə olmalıdır. 30 saniyə çox qısadır (detal yoxdur), 6 dəqiqə çox uzundur (fokus itir).

Əvvəlcədən hazırlanası hekayələr — bu, ən yüksək gəlirli hazırlıqdır, çünki eyni 5-6 hekayə onlarla fərqli sualı örtür.

Hazır saxlanmalı dəst:

• Flaky müharibəsi — flaky testlərin sistemli həlli (ən çox soruşulan)
• Çətin bug — araşdırma prosesin və tapdığın nəticə
• Prosesi yaxşılaşdırdığın hal — CI, review, test datası, hər hansı
• Konflikt — developer ilə bug prioriteti və ya yanaşma fərqi
• Səhvin — buraxdığın bug və ya səhv qərar, və nə öyrəndiyin
• Yeni şey öyrənmək — sıfırdan alət/texnologiya mənimsəmə

Hər hekayəni STAR-a uyğun yazıb bir dəfə yüksək səslə məşq et.

Layihə/framework təqdimatı — demək olar ki, hər müsahibədə var: "Öz layihəndən danış". 2 dəqiqəlik struktur: (1) kontekst — məhsul, komanda ölçüsü, sənin rolun; (2) texniki stack — Playwright + TS, POM, fixture-lər, CI; (3) miqyas — neçə test, nə qədər işləyir, nə vaxt işləyir; (4) sənin şəxsi töhfən — nəyi sən qurdun, nəyi yaxşılaşdırdın; (5) nəticə rəqəmlərlə — regression 2 gündən 2 saata; (6) dürüst zəif nöqtə — nəyi indi başqa cür edərdin.

Sonuncu bənd çox güclüdür: öz işini tənqidi qiymətləndirə bilmək inkişaf etməyə hazır olan mühəndis siqnalıdır.