Testlərin Docker-də icrası

Docker avtotestlər üçün bir problemi həll edir: "məndə işləyir". Brauzer versiyası, sistem kitabxanaları, şriftlər, locale, timezone — bunların hamısı image-də sabitlənir, yəni lokal maşın, hər komanda üzvü və CI eyni mühitdə işləyir.

Rəsmi image: mcr.microsoft.com/playwright:v1.49.0-noble — içində brauzerlər (Chromium, Firefox, WebKit) və bütün sistem asılılıqları hazır gəlir. Bu, npx playwright install --with-deps addımını və onunla gələn 2-3 dəqiqəni aradan qaldırır.

Ən vacib qayda: image teqi package.json-dakı @playwright/test versiyası ilə eyni olmalıdır. Uyğunsuzluq olduqda ya "Executable doesn't exist" xətası alırsan, ya da daha pisi — testlər gözlənilməz davranır. Bu, mövzunun bir nömrəli tələsidir və dependency yeniləməsi zamanı hər dəfə yada salınmalıdır.

Nə vaxt Docker istifadə edirəm:

• CI-da — mühitin sabitliyi və sürətli start üçün
• Vizual test baseline-larını yaratmaq üçün — CI ilə eyni şrift rendering-i vacibdir
• "Lokalda keçir, CI-da sınır" araşdırmasında — CI şəraitini lokalda təkrarlamaq
• Tam stack-i qaldırmaq üçün (app + DB + testlər) — docker compose ilə

docker compose ilə tam mühit — testlər, tətbiq və verilənlər bazası bir yerdə qalxır. Bu, xüsusilə dəyərlidir, çünki hər PR üçün təmiz, təcrid olunmuş mühit yaradır: paylaşılan stage mühitinin "kimsə datanı dəyişdi" problemi yox olur.

Burada bir neçə klassik tələ var və interview-da məhz bunlar soruşulur:

• `localhost` işləmir. Container-in öz şəbəkə namespace-i var; http://localhost:3000 container-in özünə işarə edir. Doğru ünvan servis adıdır: http://app:3000.
• `/dev/shm` çatışmazlığı. Docker default olaraq 64MB paylaşılan yaddaş verir; Chromium bunu tez tükədir və Target closed və ya Browser crashed kimi anlaşılmaz xətalarla çökür. Həll: --shm-size=1gb (və ya --ipc=host). Bu, CI-da flaky-nin çox rast gəlinən, amma nadir tanınan səbəbidir.
• Servisin hazır olmaması. Container qalxması ≠ tətbiqin cavab verməsi. depends_on tək başına kifayət deyil — healthcheck + condition: service_healthy lazımdır, əks halda testlər tətbiq hələ yüklənərkən başlayır.
• Fayl sahibliyi (Linux-da). Container root kimi işləsə, yaradılan artefaktlar (playwright-report/, test-results/) root-a məxsus olur və host-da silinmir. Həll: -u $(id -u):$(id -g).
• Volume mount və `node_modules`. Host-un node_modules-unu container-ə mount etmək platformaya bağlı binary-lər səbəbindən sınır — ya image daxilində npm ci et, ya node_modules-u anonim volume ilə istisna et.
• Layer caching. COPY package*.json → RUN npm ci → COPY . . ardıcıllığı vacibdir; əks halda hər kod dəyişikliyində bütün asılılıqlar yenidən quraşdırılır.