App Store və Google Play: kəşf necə işləyir

İnsanlar app-i əsasən üç yolla tapır:

• Axtarış — store-un axtarış sətrinə söz yazır. İki store-da da trafikin ən böyük hissəsi buradan gəlir
• Gözdən keçirmə — top chart-lar, kateqoriyalar, redaksiya seçimləri, tövsiyələr
• Kənardan keçid — TikTok-dan, saytdan, dostdan gələn link birbaşa store səhifəsini açır

Bu üçünün marketing nəticəsi tamamilə fərqlidir. Axtarışdan gələn adam artıq niyyətlə gəlir — nəyisə axtarırdı. Kənardan gələn adam isə yalnız maraqlanır. Buna görə də eyni store səhifəsi axtarış trafikində 30% conversion verə bilər, TikTok trafikində 5%.

İki store-un fərqi. Apple və Google eyni məqsədə fərqli yollarla gəlir, və bu, hansı mətni harada yazacağını dəyişir.

Apple tərəfində gizli keyword sahəsi var: istifadəçi onu görmür, amma axtarış alqoritmi indeksləşdirir. Apple sənədində açıq yazılır ki, keyword-lər 100 simvolla məhdudlaşır, terminlər vergüllə ayrılır və aralarına boşluq qoyulmur (məsələn Property,House,Real Estate). Həmçinin app adında, subtitle-da və kateqoriyada olan sözləri təkrar etməmək tövsiyə olunur — onlar onsuz da indeksləşir.

Google tərəfində ayrıca keyword sahəsi yoxdur. Play üçün Google birbaşa deyir: başlıq və təsvir mətni istifadəçinin app-i tapmasına kömək edir, təsvirdə SEO praktikalarından istifadə et — amma spam siyasətini pozma.

Apple, əksinə, təsvirin axtarışa təsir etmədiyini bildirir və "axtarış nəticəsini yaxşılaşdırmaq üçün təsvirə lazımsız keyword əlavə etmə" deyir. Promotional text də Apple-a görə ranking-ə təsir etmir.